نشے میں دھت شخص نے آلو گم  ہونے پر پولیس بلا لی 

نئی دہلی (نیٹ نیوز) بھارت میں نشے میں دھت ایک شخص نے گھر سے ایک پاؤ آلو گم ہو جانے پر پولیس میں شکایت درج کرا دی۔ اتر پردیش کے ایک گاؤں منا پْروا کے رہائشی وجے ورما نے ایمرجنسی ہیلپ لائن پر کال کی اور بتایا کہ انہوں نے گھر میں پکانے کے لیے جو آلو رکھے تھے وہ غائب ہیں اور وہ چاہتے ہیں کہ اس کی باقاعدہ تحقیقات کی جائے۔ افسران نے وجے کی پانچ سیکنڈ کی ایک ویڈیو بنائی جس میں اس کو پولیس پر تحقیقات کے متعلق روز دیتے ہوئے دکھایا گیا۔افسران نے جب وجے سے پوچھا کہ کیا اس نے شراب نوشی کی ہوئی ہے تو اس نے اس بات کا اعتراف کرتے ہوئے بتایا کہ اس نے دن بھر مشقت کرنے کے بعد تھوڑی سی شراب نوشی کی ہے۔