بنوں: گاڑی سے 300 کلو بارودی مواد برآمد، ڈرائیور فرار 

بنوں (نوائے وقت رپورٹ) بنوں میں بڑی تباہی کا منصوبہ ناکام بنادیا گیا، پولیس نے 300 کلوبارودی مواد سے بھری گاڑی پکڑ لی، ڈرائیور فرار ہونے کامیاب ہو  گیا۔ بکاخیل میں مشکوک گاڑی کی  موجودگی کی اطلاع پر پولیس پہنچی تو ایک شخص گاڑی سے نکل کر بھاگ گیا۔ پولیس نے  فائرنگ کی لیکن وہ فرار ہونے میں کامیاب ہو گیا۔ گاڑی سے پلاسٹک کے 2 ڈرم برآمد ہوئے جن میں بارودی مواد نصب کیا گیا تھا، جس پر بم ڈسپوزل سکواڈ کو طلب کیا گیا جس نے  دونوں بارود سے بھرے ڈرموں کو ناکارہ بنا دیا۔