لاہور(نامہ نگار) ڈاکوؤں اور چوروں نے متعدد شہریوں کو  لاکھوں روپے مالیت کی نقدی،طلائی زیورات،موبائل فون،موٹر سائیکلیں،گاڑیاں اور دیگرسامان  سے محروم کر دیا تفصیلات کے مطابق ڈاکوؤں نے نولکھاکے علاقے میں ادریس کے گھر میں گھس کر اہلخانہ کو  یرغمال بنا کر 5 لاکھ 77 ہزار روپے مالیت، سبزہ زار کے علاقے میں آفتاب کے گھر سے 5لاکھ روپے مالیت کی نقدی، طلائی زیورات، موبائل فون و دیگر سامان، چوہنگ کے علاقے میں فواد کی فیملی سے 3 لاکھ روپے مالیت، نشتر کالونی کے علاقے میں حماد اور اس کی فیملی سے ڈھائی لاکھ روپے  مالیت کی نقدی، زیورات اور موبائل فون،نواں کوٹ کے علاقے میں عبید سے 2 لاکھ روپے اور موبائل فون، شاہدرہ ٹاؤن میں لیاقت سے ڈیڑھ لاکھ روپے اور موبائل فون، بادامی باغ میں محمود سے ایک لاکھ روپے اور موبائل فون،گلبرگ کے علاقے میں حسیب سے67 ہزار روپے اور موبائل فون،لیاقت آباد کے علاقے میں عابد سے 50 ہزار روپے اور موبائل فون،نولکھا کے علاقے میں وقار سے 20 ہزار روپے اورموبائل فون لوٹ لیا۔ چوروں نے نواب ٹاون اور ڈیفنس کے علاقوں میں سے دو کاریں،ہنجروال کے علاقے میں سے رکشہ جبکہ گڑھی شاہو، مصری شاہ، مصطفی آباد، ہنجروال، شاہدرہ ٹاؤن،شیرا کوٹ اور کوٹ لکھپت کے علاقوں سے7 موٹرسائیکلیں چوری کرلی گئیں۔