بلاول بھٹو زرداری نوجوانوں کی آخری امید ہیں، سردار سلیم حیدر

 حضرو (نمائندہ نوائے وقت)گورنر پنجاب سردار سلیم حیدر نے کہا ہے کہ صوبہ پنجاب میں بھی پاکستان پیپلز پارٹی کو مزید مستحکم، مضبوط کرنے کے لیے نوجوان نسل کو آگے لایا جا رہا ہے کیونکہ نوجوان نسل ہی نے مُلک کی باگ دوڑ سنبھالنی ہے چیئرمین پاکستان پیپلزپارٹی بلاول بھٹو زرداری نوجوانوں کی آخری امید ہیں جو مُلک کو بحرانوں سے نکال سکتے ہیں مُلک میں ترقی و استحکام کے لیے جمہوریت کو مستحکم کرنا ضروری ہے ان خیالات کا اظہار انہوں نے میڈیا کے نمائندوں سے گفتگو کرتے ہوئے کیا اس موقع پر ضلعی صدر پاکستان پیپلز پارٹی اٹک اشعر حیات خان نصیر خان جدون کے علاوہ دیگر پارٹی کارکن بھی موجود تھے سردار سلیم حیدر خان نے کہا کہ بلاول بھٹو نے بطور وزیر خارجہ بھی اپنے آپ کو منایا تھا وہ وقت دور نہیں جب وہ ملک کے وزیراعظم منتخب ہو کر نہ صرف پاکستان کو بحرانوں سے نکالیں گے بلکہ نوجوان نسل کے اعتماد پر پورا اتریں گے انہوں نے کہا پیپلز پارٹی جب بھی اقتدار میں ائی عوام کو نوکریاں دی گئیں ۔