کراچی میں سہراب گوٹھ کےعلاقے آصف سکوائرکےقریب ملزمان لوٹ مار میں مصروف تھےکہ اچانک پولیس آ گئی۔ ملزمان نے پولیس کودیکھتے ہی فائرنگ شروع کردی،پولیس کی جوابی فائرنگ سے دوملزم جاں بحق ہوگئے۔ پولیس نےملزموں کے قبضے سے دو پستول بھی برآمد کیے ہیں تاہم ملزموں کی شناخت نہیں ہوسکی۔ادھرلیاقت آباد فرنیچرمارکیٹ میں ڈاکوؤں اور پولیس کے درمیان مقابلے کے دوران فائرنگ سے انیس سالہ راہگیرعمران گولی لگنے سے جاں بحق ہوگیا۔ واقعے کے بعد مشتعل افراد نے ٹائرجلا کر روڈ کو ٹریفک کے لئے بند کردیا، اور پولیس پرپتھراؤ کیا گیا۔علاقے میں کشیدہ صورتحال پرقابو پانے کے لیے پولیس اوررینجرزکی بھاری نفری تعینات کردی گئی۔ دوسری جانب سرجانی ٹاون سیکٹرسیون میں نامعلوم افراد کی فائرنگ سے ایک نوجوان شیخ عدنان ہلاک جبکہ اس کا دوست شعیب احمد زخمی ہوگیا۔رات گئے سچل گوٹھ میں نورانی روڈ پرنامعلوم افراد نے فائرنگ کرکے نوجوان لڑکی کوہلاک کردیا ہے۔