مقامی سرکاری ذرائع کے مطابق تعلیم دشمن عناصر نے باجوڑایجنسی کے مضافاتی علاقے میں رات گئے ایک بوائز سکول میں بارودی مواد نصب کیا ، جوآج علی الصبح زوردار دھماکے سے پھٹ گیا۔ دھماکے سے سکول کے کئی کمرے زمین بوس ہوگئے اور کمروں موجود فرنیچرکوآگ لگ گئی ۔ واقعہ کے بعد مقامی افراد کی بڑی تعداد اورقانون نافذ کرنے والے اداروں کے اہلکارموقع پرپہنچ گئے ۔ سکیورٹی حکام نے جائے وقوعہ سے شواہد اکٹھے کرکے تحقیقات کا آغاز کردیا ہے ۔