شیربنگال سٹیڈیم ڈھاکہ میں کھیلے گئے سیریز کے پہلے میچ میں بنگلہ دیش نے ٹاس جیت کر پہلے کھیلنے کا فیصلہ کیا اور پوری ٹیم انچاس اعشاریہ تین اوورز میں دو سو اٹھائیس رنز بنا کر آؤٹ ہو گئی۔ شکیب الحسن اٹھاون رنز کے ساتھ نمایاں رہے۔ نیوزی لینڈ کی طرف سے کائل ملز نے تین جبکہ اور اینڈی میکے، ڈینئل ویٹوری اور جیسی رائڈر نے دو دو وکٹیں حاصل کیں۔ جواب میں کیویز اوپنرز نے ٹیم کو تریپن رنز کا آغاز فراہم کیا، لیکن بارش کے باعث نیوزی لینڈ کو سینتیس اوورز میں دو سو دس رنز کا ہدف مل گیا، تاہم پوری کیویز ٹیم مقررہ اوورز میں میں آٹھ وکٹوں کے نقصان پر دو سو رنز بنا سکی۔ برینڈن میکولم اکسٹھ رنز کے ساتھ ٹاپ سکورر رہے۔ بنگلہ دیش کی طرف سے شکیب الحسن نے چار کھلاڑیوں کو پویلین کی راہ دکھائی۔