کراچی کے علاقے شیرشاہ میں گتے کی فیکٹری میں اچانک آگ بھڑک اٹھی، فائربریگیڈ کے عملے نے پانچ گھنٹوں کی محنت کے بعد آگ پرقابوپالیا.

پولیس کے مطابق آگ شیرشاہ جے ٹو میں واقع فیکٹری میں لگی، متاثرہ فیکٹری میں ٹشو پیپرزاورپیمپر تیارکیے جاتے ہیں۔ ابتدائی تحقیقات کے مطابق فیکٹری میں ویلڈنگ کا کام جاری تھا کہ قریب ہی موجود کاٹن پرویلڈنگ کے شعلے گرنے سے آگ بھڑک اٹھی جودیکھتے ہی دیکھتے شدت اختیارکرگئی۔ آگ بجھانے کے لیے فائربریگیڈ کی نوگاڑیاں استعمال ہوئیں، آتشزدگی کے باعث لاکھوں روپے مالیت کا نقصان ہوگیا تاہم واقعہ میں کوئی جانی نقصان نہیں ہوا ہے۔