سندھ رینجرز نے ایم ڈی اے فلیٹ، کیٹل کالونی، خمیسو گوٹھ، بوٹ بیسن، بلاول چورنگی، شریں جناح کالونی اورلیاری فرنٹیرکالونی میں آپریشن کرکے مشتبہ افراد کوحراست میں لے لیا، کراچی کے علاقے لیاری کلری تھانے کی حدودعلی محمد محلہ میں رینجرزکی نفری داخل ہوئی تومورچہ بند ملزمان نے فائرنگ کردی، رینجرزکی جوابی فائرنگ کے دوران ایک ملزم موقع پرہلاک ہوگیا جبکہ تین ملزمان کوزخمی حالت میں گرفتارکرکے سول اسپتال منتقل کیاگیا، جہاں دوسرا زخمی بھی دوران علاج چل بسا۔ ہلاک ہونے والے دونوں ملزمان کی شناخت حنیف اوراللہ بخش کے نام سے ہوئی ہے۔ رینجرزحکام کے مطابق ملزمان نے رینجرزکی گاڑی پرہینڈ گرنیڈ سے حملہ بھی کیا تھا۔ رینجرزنے ملزموں کوگرفتارکرکے چارکلاشنکوفیں، تین نائن ایم ایم پستول، پانچ دستی بم اورتین واکی سیٹ برآمد کیے۔ رینجرزحکام کےمطابق ملزمان کے کچھ ساتھی اندھیرے کا فائدہ اٹھاتے ہوئے فرارہونے میں کامیاب ہوگئے جن کی گرفتاری کے لیے کارروائیاں جاری ہیں۔