لاہور (خبرنگار) معروف صحافی، شاعر، کالم نگار اور ڈپٹی ایڈیٹر نوائے وقت سعید آسی کے منتخب کالموں کی کتاب ”کب راج کرے گی خلق خدا“ کی تقریب رونمائی کل بروز اتوار صبح 11 بجے قائداعظم لائبریری ہال باغ جناح لاہور میں منعقد ہورہی ہے۔ تقریب کی صدارت وفاقی وزیر اطلاعات و نشریات سینیٹر پرویز رشید کریں گے جبکہ سابق وزیر خارجہ میاں خورشید محمود قصوری مہمان خصوصی ہوں گے۔ تقریب میں چیف ایڈیٹر روزنامہ پاکستان مجیب الرحمان شامی، جماعت اسلامی کے سیکرٹری جنرل لیاقت بلوچ، ایڈیٹر دی نیشن سلیم بخاری، گروپ ایڈیٹر روزنامہ نئی بات عطاءالرحمان، معروف کالم نگار قیوم نظامی، ڈاکٹر اجمل نیازی، بیگم مہناز رفیع، افتخار احمد ( جیو)، پروفیسر نعیم قاسم، پی ٹی وی لاہور کے انچارج کرنٹ افیئرز افتخار مجاز، ڈائریکٹر وقت نیوز حافظ محمد طارق، علامہ ایاز ظہیر ہاشمی، ڈاکٹر ظفر علی راجا اور کالم نگار رﺅف طاہر خطاب کریں گے۔ اس تقریب کا اہتمام قائداعظم لائبریری کی جانب سے کیا گیا ہے جو اس کے منعقد کردہ کتاب میلہ کے سلسلہ کی کڑی ہے۔