باجوڑایجنسی: بیمار افغان فوجی کا پاکستانی پوسٹ پر علاج کیا گیا

باجوڑایجنسی (آئی این پی) افغانستان کے بیمار فوجی کا پاکستانی پوسٹ پر علاج کیا گیا۔ سکیورٹی ذرائع کے مطابق افغان صوبہ کنڑ کے سرحدی علاقہ میں ایک پوسٹ پر موجود افغان فوجی کو شدید درد کا احساس ہوا ۔ جس کے بعد افغان فوجی نے پاک افغان سرحدی علاقے میں قائم پاکستانی پوسٹ پر باجوڑ سکائوٹس کے اہلکاروں کو اپنی تکلیف کے بارے میں بتایا ۔ سکائوٹس نے انسانی ہمدردی کے تحت افغان فوجی کو ابتدائی طبی امداد دی۔