اسلام آباد (آن لائن) آزاد کشمیر میں آنے والے قیامت خیز زلزلے کو 10 سال گزر گئے ۔ نیوبالا کوٹ سٹی نہ بن سکا ۔ وفاقی اور کے پی کے کی سابقہ حکومتوں کی غلط پالیسیوں کی وجہ سے منصوبہ تاخیر کا شکار ہوا ۔ صوبائی حکومت حاصل شدہ اراضی ایرا کے حوالے کر کے 4 ارب روپے بروقت دے دے تو منصوبہ دو سال میں مکمل ہو سکتا ہے ۔ 5 اکتوبر 2005 کو آنے والے زلزلے نے بہت کچھ ملیامیٹ کردیا تھا ۔ ایک رپورٹ کے مطابق بالا کوٹ شہر کے پی کے ضلع مانسہرہ کا ایک تاریخی مذہبی اور سیاحتی مقام کہلاتا ہے یہ علاقہ زلزلے کی فالٹ لائن پر واقع ہے ۔ 2005 میں فیصلہ کیا گیا تھا کہ نیوبالا کوٹ شہر آباد کر لیا جائے گا ۔ 1000 کنال اراضی پر 7 جولائی 2007 ءکو ہاﺅسنگ منصوبے کا آغاز کیا گیا ۔ منصوبے کے لئے 8444 کنال اراضی حاصل کی جا چکی ہے ۔ ستمبر 2009 میں شاہراہےں ، پانی کی سپلائی ، سیوریج لائن سمیت 52 فیصد انفراسٹرکچر بھی بنایا گیا ۔ منصوبے پر 4 ارب روپے سے زائد خرچ ہو چکا ہے ۔ مگر باقی کام تاحال مکمل نہیں ہو سکا ہے۔
زلزلہ