رحیم یارخان (کرائم رپورٹر)چک 107 پی کارہائشی 8 سالہ باسط حسین جو کہ اپنے گھر کے باہر کھیتوں کے نزدیک کھیل رہا تھا کہ اسی دوران اسے چھپے بیٹھے سانپ نے ڈس لیا ۔ اسی طرح سردار گڑھ کی 42 سالہ حسینہ بی بی‘ خانپور کا 28 سالہ نذیر احمد اور منظور آباد کے 60 سالہ عبدالستار کو بھی کھیتوں میں کام کرنے کے دوران چھپے بیٹھے سانپوں نے ڈس لیا ۔ حالت غیر ہونے پر 8 سالہ بچے سمیت متاثرہ افراد کو طبی امداد کیلئے ہسپتال منتقل کردیا گیا۔