کراچی(صباح نیوز) شہر قائد میں کرولا گینگ کے بعد ڈکیتیاں کرنے والا  رکشہ گینگ بھی سامنے آگیا ۔پولیس نے کارروائی کرتے ہوئے رکشہ گینگ کے 6میں سے 2 ملزمان کو گرفتار کرلیا،گرفتار ملزمان محمد انصار اور شکیل احمد سے 2پستول برآمد کی گئیں ۔ 6 رکنی رکشہ گینگ شہریوں کو کم کرائے کا لالچ دے کر بٹھا لیتا تھا۔پولیس کا کہنا ہے کہ ملزمان موقع دیکھ کر اسلحے کے زور پر شہریوں کو لوٹ لیتے تھے۔ گرفتار ملزمان جیکب آباد اور کشمور کے رہائشی ہیں۔