ہواوے کمپنی نے اسٹیون کو اپنا نیا صدر مقرر کیا

اسلام آباد(نمائندہ نوائے وقت)انفارمیشن اینڈ کمیونیکیشن ٹیکنالوجی (آئی سی ٹی)انفراسٹرکچر اور سمارٹ ڈیوائسز فراہم کرنے والے معروف عالمی ادارہ ہواوے نے ا سٹیون یی کو ہواوے میں مشرق وسطی کا صدر مقرر کرنے کا اعلان کیا ہے۔ اس سے قبل وہ اس علاقے میں ہواوے کے ڈپٹی سی ایف او ، سیلز اینڈ ڈیلیوری فنانس مینجمنٹ ڈیپارٹمنٹ کے صدر ، ہواوے کے امریکہ ایریا آپریشنز کے صدر اور ہواوے پاکستان کے نمائندہ دفتر کے جنرل منیجر کے طور پر خدمات انجام دے چکے ہیں، وہ علاقائی اور عالمی سطح پر ماحولیاتی نظام کے شراکت داروں کے ساتھ مل کر کام کریں گے تاکہ ہواوے کے وژن کی طرف ہر فرد ، گھر اور تنظیم کو مکمل طور پر ڈیجیٹل دنیا سے منسلک کیا جاسکے۔