لاہور(سپورٹس رپورٹر)کرکٹ ایسوسی ایشنز چیمپئن شپ کے دوسرے راؤنڈ کے دوسرے دن کا کھیل آج مکمل ہو گیا۔سدرن پنجاب فالو آن کا شکار  ہو گئی۔ خیبرپی کے کے 458 آل آؤٹ کے جواب میں سدرن پنجاب اپنی پہلی اننگز میں 168 رنز بنا کر آؤٹ ہو گئی۔ کھیل کے اختتام پر سدرن پنجاب نے ایک وکٹ پر 35 رنز بنا لیے ہیں۔ بلوچستان کی پہلی اننگز کے سکور 185 آل آؤٹ کے جواب میں سنٹرل پنجاب کی ٹیم اپنی پہلی اننگز میں 125 رنز بنا کر آؤٹ ہوگئی۔ بلوچستان نے دوسری اننگز میں تین وکٹوں پر 125 رنز بنا لیے ہیں ، مجموعی برتری 125 ہو گئی۔ 35 رنز تین وکٹ پر پہلی اننگز دوبارہ شروع کرتے ہوئے سندھ کی ٹیم  202 رنز پر ڈھیر ہوگئی۔ محمد حسن نے 70، حسن محسن اور تابش خان نے 40 رنز بنائے۔منیر ریاض نے پانچ وکٹیں حاصل کیں۔ کھیل کے اختتام پر ناردرن نے  ایک وکٹ پر 105 رنز بنا لیے ہیں اور 160 رنز کی برتری حاصل ہے۔