لاہور(سپورٹس رپورٹر)انٹرنیشنل کرکٹ کونسل نے ٹی ٹونٹی ورلڈکپ کے میچزکیلئے آفیشلز کا اعلان کردیا، فرسٹ رائونڈ اور سپر 12مرحلے کے میچ آفیشلز کا اعلان کیا گیا ہے سیمی فائنلز اور فائنل کیلئے آفیشلز کا اعلان بعد میں کیا جائیگا،پاکستان کے علیم ڈار بھی امپائرز پینل میں شامل ہیں، اس کے علاوہ پاکستانی امپائر احسن رضا کو بھی پینل کا حصہ بنایا گیا ہے۔ اینڈریو پائی کرافٹ، کرس براڈ، ڈیوڈ بون اور رنجن مدوگالے میچ ریفریز ہوں گے۔پاکستان‘ بھارت ٹاکرے میں رنجن مدوگالے میچ ریفری ہوں گے جبکہ مرائس ایراسمس اور راڈنی ٹکر آن فیلڈ امپائر ہوں گے۔ رچرڈ کیٹل برو ٹی وی امپائر ہونگے،پاکستان بھارت میچ 23 اکتوبر کو میلبورن کرکٹ گرائونڈ میں کھیلا جائیگا،خیال رہے کہ آئی سی سی ٹی ٹونٹی ورلڈ کپ کا پہلا مرحلہ 16 اکتوبر سے آسٹریلیا میں شروع ہونے جارہا ہے۔میچ ریفریز: اینڈریو پائکرافٹ، کرسٹوفر براڈ، ڈیوڈ بون، رنجن مدوگالے۔امپائرز: ایڈرین ہولڈ اسٹاک، علیم ڈار، احسن رضا، کرسٹوفر براؤن، کرسٹوفر گیفانی، جوئل ولسن، کمارا دھرماسینا، لینگٹن روسری، ماریس ایراسمس، مائیکل گف، نتن مینن، پال ریفل، پال ولسن، رچرڈ ایلنگ ورتھ، رچرڈ کیٹل بورو، رچرڈ کیٹل بورو۔واضح رہے کہ ٹی20 ورلڈکپ 2022 کے دوران 16 امپائرز اور 4 میچ ریفریز میچوں کی ذمہ داریاں نبھائیں گے۔