بھارت،کاراور مسافربس کے تصادم میں 5افرادہلاک ،ایک زخمی

نئی دہلی(اے پی پی)بھارتی ریاست مہاراشٹر میں کار اور  مسافر بس میں تصادم  کے نیتجے میں5 افراد ہلاک  اور ایک زخمی ہو گیا ہے۔ بھارتی ذرائع ابلاغ نے مقامی پولیس کے حوالے سے بتایا ہے کہ یہ حادثہ  ضلع لاتور میں آج صبح اس وقت پیش آیا جب ایک تیز رفتار کار مخالف سمت میں آنے والی مسافر بس سے ٹکرا گئی جس کے نتیجے میں 5 افراد ہلاک  جبکہ ایک شخص زخمی ہوگیا ۔پولیس نے بتایا کہ کار میں دو خواتین سمیت کل 6 افراد سوار تھے  جو  تلجا پور کے ایک مندر سے واپس  آرہے تھے کہ راستے میں    حادثے کا شکار ہوئی۔ ریسکیو ٹیم نے نعشوں اور زخمی کو قریبی ہسپتال منتقل کر دیا ہے۔