کنیئرڈ کالج کے وفد کی الحمراء آرٹ میوزیم آمد، آرٹسٹوں کا کام دیکھا 

لاہور ( کلچرل رپورٹر) کنیئرڈ کالج کے شعبہ فائن آرٹ کے 11رکنی وفد نے الحمراء آرٹ میوزیم،کلچرل کمپلیکس قذافی سٹیڈیم کا دورہ کیا۔ اسسٹنٹ پروفیسر مزنا ذوالفقار کی سربراہی وفد کو خوش آمدید کہا گیا۔میوزیم کیوریٹر ہاجرہ محمود نے وفد کو الحمراء آرٹ میوزیم کی تاریخ،اہمیت و اغراض ومقاصد سے آگاہ کیا۔وفد میں شامل فائن آرٹ کی طالبات نے الحمراء آرٹ میوزیم میں آویزاں عالمی شہر ہ آفاق آرٹسٹوں کا کام دیکھا اور اپنے تاثرات میں کہا کہ الحمراء آرٹ میوزیم آرٹ کے سٹوڈنٹ کیلئے سیکھنے کے بیش بہا مواقعے فراہم کر رہا ہے،یہ میوزیم اپنی نوعیت میں نمایاں مقام رکھتا ہے۔ اس دورہ سے طالبات اپنا کام بہتر بنانے کا موقع ملے گا۔