نبی کریم پر درود بھیجنا افضل عبادات‘ پروفیسر ڈاکٹر ادریس لودھی 

ملتان(نمائندہ نوائے وقت) آپؐ   کی کامل اور مکمل شخصیت کی مثال پوری دنیا میں نہیں ملتی۔ آپؐ رحمت العالمین بن کر آئے۔اللہ تعالیٰ نے آپ کو اعلی صفات سے مزین کر کے شہنشاہ ارض و سما بنا دیا۔ذکر رسول سے دلوں کو سرور ملتاہے۔ ان خیالات کا اظہار ڈائریکٹر سرائیکی ایریا سٹڈی سنٹر زکریا یونیورسٹی پروفیسر ڈاکٹر نسیم اختر نے محفل میلاد کی تقریب مین کیا۔انہوں نے کہا نعت خوانی کی محافل ہمارے ایمان کی تازگی و پختگی کا ذریعہ بنتی ہیں۔ اس موقع پر مہمان خصوصی شعبہ اسلامیات  ڈاکٹر ادریس لودھی نے کہا نبیؐ پر درود بھیجنا افضل عبادت ہے۔آپؐ  کی تکریم و تعظیم امت مسلمہ پر واجب قرار دی گئی ہے۔ علامہ فاروق سعیدی نے کہا اسلام امن و سلامتی کا دین ہے میلا د مصطفی منانا آپ سے عشق و محبت کا بہترین اظہار ہے۔ علامہ عثمان پسروری نے کہا آپ پر نازل ہونے والی کتاب قرآن مجید سرچشمہ ہدایت ہے