سندھ پولیس کی خصوصی شٹل سروس‘ پہلے مرحلے میں میہڑ اور شہداد کوٹ اضلاع کیلئے 3 بسیں روانہ  متاثرین کا اظہار تشکر

کراچی ( نیوز رپورٹر)سندھ میں حالات زندگی معمول پر آنے کے بعد آئی جی سندھ غلا م نبی میمن اور ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد کی ہدایات پر کراچی میں قائم  ریلیف کیمپس میں مقیم سیلاب متاثرین کی گھروں کو واپسی کے عمل کا آغاز کر دیا گیاہے، سیکیورٹی ڈویژن نے سندھ پولیس کی جانب سے سیلاب متاثرین کے لئے خصوصی شٹل بس سروس شروع کردی۔پہلے مرحلے میں میہڑ اور شہداد کوٹ کے اضلاع میں ایس ایس یو کی 03 بسیں روانہ کی گئیں جن میں 100 سے زائد فیملیز کو انکے آبائی گاں روانہ کیاگیا،متاثرین موسمیات کے علاقے میں قائم کئے گئے عارضی رہائشی کیمپس میں مقیم تھے۔ایس ایس یو کی جانب سے متاثرین کو راشن اور JDC کیطرف سے نقد رقوم تقسیم کی گئیں تاکہ متاثرین کو گھروں میں واپسی کے بعد کسی قسم کی دشواری کا سامنا نہ کرنا پڑے۔اس موقع پر ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے کہا ہے کہ سیلاب متاثرین کی اپنے گھروں میں واپسی خوش آئندہ ہے، اس مشکل وقت میں سندھ پولیس کی خدمات ناقابل فراموش ہیں،سندھ پولیس متاثرین کی مکمل بحالی تک اپنی خدمات فراہم کرتی رہے گی اور اپنے بھائیوں کے شانہ بشانہ کھڑی رہے گی۔سیلاب متاثرین نے اپنے خیالات کا اظہار کرتے ہوئے کہا کہ اس مشکل گھڑی میں فلاحی تنظیموں کیساتھ ساتھ سندھ پولیس بھی پیش پیش رہی اور ہماری ہر ممکن مدد کی۔
 کراچی واپسی