پریمیئر لیگ،لیسٹر سٹی کی پہلی فتح  نوٹنگھم فاریسٹ کو 0-4سے ہرا دیا

لاہور(اسپورٹس ڈیسک)انگلش پریمیئر فٹبال لیگ میں لیسٹر سٹی نے نوٹنگھم فاریسٹ کو شکست دے دی، یہ لیسٹر سٹی کی لیگ میں پہلی فتح ہے۔ کنگ پاور سٹیڈیم ، لیسٹر میں کھیلے گئے میچ میں لیسٹر سٹی اور نوٹنگھم فاریسٹ کی ٹیمیں آمنے سامنے تھیں جس میں میزبان ٹیم نے نوٹنگھم فاریسٹ کی ٹیم کو بالکل بے بس کر دیا،میچ کے پہلے ہاف پر لیسٹرسٹی کو نوٹنگھم فاریسٹ کے خلاف 0-3 گول کی برتری حاصل تھی۔ دوسرے ہاف میں لیسٹر سٹی کی ٹیم نے ایک اور گول سکور کر کے میچ میں نوٹنگھم فاریسٹ کی ٹیم کو یکطرفہ مقابلے کے بعد 0-4 گول سے ہرا دیا۔ لیسٹر سٹی کی طرف سے جیمز میڈیسن،ہاروی بارنس،جیمز میڈیسن اور پیٹسن ڈکا نے ایک ایک گول سکور کر کے اپنی ٹیم کی فتح میں اہم کردار ادا کیا۔