اسلام آباد(نا مہ نگار)حج انتظامات کے سلسلے میں حکومتِ سعودی عرب کے دلی شکرگذار ہیں۔ یہ بات وزیر مذہبی امور انیق احمد نے پاکستان میں تعینات سعودی سفیر نواف سعید المالکی اور رابطہ عالم اسلامی کے ریجنل ڈائریکٹر سعد الحارثی سے ملاقات کے دوران کہی۔ وزیر مذہبی امور دونوں رہنماوں سے ملاقات کے دوران آئندہ حج انتظامات اور باہمی دلچسپی کے امور پر تبادلہ خیال کیا۔ وزیر مذہبی امور نے کہا کہ میرا حالیہ دورہ سعودی عرب انتہائی کامیاب رہا۔