فرینڈز آف پولیس انٹرن شپ 32 طلبا و طالبات کی شرکت

راولپنڈی(اپنے سٹاف رپورٹر سے)انسپکٹر جنرل آف پولیس پنجاب ڈاکٹر عثمان انور کے ویژن کے مطابق راولپنڈی پولیس لائینز ہیڈکوارٹرز میں فرینڈز آف پولیس انٹرن شپ کاآغازکیاگیا،انٹرن شپ پروگرام میں مختلف تعلیمی اداروں کے 32 طلبا و طالبات نے شرکت کی،دو ہفتے کے انٹرن شپ پروگرام میں طلبا و طالبات کو پولیس ورکنگ اور پولیسنگ کے مختلف شعبوں پر لیکچرز دئیے جائیں گے، انٹرن شپ پروگرام کے پہلے روز سی پی او سید خالد ہمدانی، ایس ایس پی آپریشنزفیصل سلیم، ایس پی ہیڈ کوارٹرزماہم خان،سینئر ٹریفک آفیسرمنیر ہاشمی، ڈی ایس پی لیگل، ڈی ایس پی ایڈمن سمیت دیگر افسران نے طلبا وطالبات کو لیکچرز دئیے، انٹرن شپ پروگرام کے تحت طلبا وطالبات کو پولیس اسٹیشن ورکنگ،پولیس خدمت مرکز،فرنٹ ڈیسک، مختلف پولیس ایپس،ٹریفک پولیس،قانونی اورعدالتی کاروائی کے بارے میں آگاہی دی جائے گی، طلبا و طالبات کو سپیشل انیشیٹوپولیس ا سٹیشن،پولیس لائنز ہیڈکوارٹرز، کمانڈاینڈ کنٹرول روم،ٹریفک ہیڈکوارٹرز، پولیس خدمت مرکز لیاقت باغ اورلیگل برانچ کا دورہ کروایا جائے گا تاکہ وہ عملی طور پر پولیسنگ سے آگاہی حاصل کر سکیں، سی پی اوسید خالد ہمدانی نے کہاکہ انٹرن شپ پروگرام کا مقصد پولیسنگ سے آگاہی اور اس میں بہتری کے لئے نوجوانوں کو ساتھ لے کر چلنا ہے، انٹر ن شپ پروگرام سے طلبا و طالبات اور نوجوانوں کے تعاون اور مشاورت سے کمیونٹی پولیسنگ کو مزید بہتر بنانے میں مدد ملے گی، نوجوان نسل پولیس ورکنگ اور سروس ڈیلیوری کو بہتر بنانے میں اہم کردار ادا کر سکتی ہے، طلبا و طالبات کو افسران نے فرینڈز آف پولیس کے خصوصی بیج بھی لگائے۔