کراچی(اسٹاف رپورٹر) مجلس وحدت مسلمین اور اہلیان سولجر بازار و ملی تنظیموں کی جانب سے ولادت رسول خداؓ اور امام جعفر صادق کی مناسبت سے جلوس و جشن منعقد کیا گیا، جلوس و جشن محفل شاہ خراسان سولجر بازار سے برآمد ہوا اور اپنے مقررہ راستوں سے ہوتا ہوا عزاخانہ زہرا سولجر بازار پر اختتام پذیر ہوا۔ اس موقع پرعلامہ سجاد شبیر رضوی، علامہ مبشر حسن، ناصر حسینی، نوشاد علی اور دیگر نے خطاب کرتے ہوئے کہا کہ رسول خداؓ کی سیرت پر حقیقی معنوں پر عمل کرنے سے مسلمانوں کو عزت و سرفرازی نصیب ہوگی، آج امت مسلمہ سیرت رسول خداؓ سے دور ہوچکی ہے۔ سیرت نبویؓ پر عمل، امت مسلمہ کے مسائل کا حل ہے۔ برادر اریب ہادی، نایاب حسین زیدی، وسیم عباس، رضی زیدی، اکبر علی، کوثر، علی، محمد حسین اور دیگر نے نعت مقبول پیش کیں۔ دوران جلوس شرکا کے لئے دودھ کی سبیل کا اہتمام کیا گیا تھا، اس موقع پر شہدائے اسلام کے لئے فاتحہ خوانی کی گئی۔