لاہور(سپورٹس رپورٹر)پاکستان ریڈ بال کرکٹ ٹیم کے ہیڈ کوچ جیسن گلیسپی نے کہا ہے کہ میرا پاکستان ٹیم کیساتھ کوچنگ کا بڑا ٹف آغاز رہا ہے۔ہمیں اندازہ ہے کہ انگلینڈ کی ٹیم اچھی کرکٹ کھیلے گی مگرپاکستان کو بھی ڈسپلن کیساتھ کھیلنا ہوگا۔ کچھ عرصے سے پاکستان کی ٹیم اچھا نہیں کھیل رہی۔ اس میں کچھ شک نہیں کہ یہ ایک چیلنج ہے مگر میں پھر بھی پرجوش ہوں، انگلینڈ ٹیم جس طرح کھیلتی ہے، اس میں بعض اوقات وہ غلط بھی ثابت ہوتے ہیں۔ کھلاڑیوں کے ساتھ ہماری بڑی اچھی گفتگو ہوتی ہے، پاکستان کی کوچنگ کرنے کے فیصلے سے پہلے میں بہت محتاط تھا۔ ہم سب کو مل بیٹھ کر بات چیت کرنا ہے اور معاملات آگے بڑھانے ہیں۔  بڑی اچھی بات ہے کہ انگلینڈ کی ٹیم پاکستان آئی ،۔ ہمارے پاس بڑے کوالٹی پلیئر ز ہیں، ہمیں ان پر یقین اور اعتماد کرنا ہے۔