لاہور(سپوٹس رپورٹر)انگلینڈ کرکٹ ٹیم کے ٹاپ آرڈر بیٹر زیک کرولی نے کہا ہے کہ ملتان آمد پر خوشی ہے۔،موسم کا کوئی ایشو نہیں،ہم اس کیلئے تیار ہیں۔ہاکستان کا دورہ ہمیشہ ہی اچھا ہوتا ہے۔ملتان کرکٹ سٹیڈیم شاندار ہے۔ماحول بھی درست اوراچھا ہے۔انجوائے کررہے ہیں۔ملتان کرکٹ سٹیڈیم میں پریس کانفرنس سے خطاب کرتے ہوئے انگلش بیٹر نے کہا کہ کھیلنے کو تیار ہوں۔ انگلش ٹیم پاکستان میں کھیلنے کیلئے مکمل طور پر تیار ہے۔ پاکستان کو ہرانے کیلئے پرعزم،یہ ٹھیک کہ پاکستان کی حالیہ پرفارمنس اچھی نہیں لیکن ہم پاکستان کو ہمیشہ سخت حریف سمجھتے ہیں اور پاکستان کے پاس باصلاحیت ٹیلنٹ ہے۔بابر اعظم ان دنوں اگر آئوٹ آف فارم ہے تو کوئی ایسا مسئلہ نہیں۔بڑا بیٹر ہے اور کسی بھی وقت فارم لگ سکتی ہے۔پاکستان کے پاس بھی تجربہ کار کھلاڑی ہیں لیکن ہمارے پاس بھی سپنرز اچھے ہیں،نوجوان سپنرز فارم میں ہیں اور اچھا کریں گے۔ گزشتہ دورہ پاکستان میں فلیٹ پچز تھیں۔اس لئے بہتر بیٹنگ ہوگئی تھی۔ ملتان کا گرم موسم ہمارے لئے کوئی ایشو نہیں۔ہم اس پرکافی ہفتوں سے بات کررہے تھے اور تیاری کررہے تھے۔ہم اس کیلئے مکمل تیار ہیں۔یہ موسم ہمارے لئے کوئی ایشو نہیں بنے گا۔ حکمت عملی کنڈیشنز کیساتھ بدلتی رہتی ہے۔حالات کیمطابق کھیلیں گے اور جیتنے کیلئے آئے ہیں۔