گوجرانوالہ(نمائندہ خصوصی)گوجرانوالہ چیمبرآف کامرس اینڈ انڈسٹری میں ملائشیااور انڈونیشیا سے تعلق رکھنے والے ڈاکٹرز پر مشتمل 17رکنی وفد نے صدر گوجرانوالہ چیمبر رانا  محمد صدیق خاں سے ملاقات کی۔جبکہ وفد کی قیادت کرتے ہوئے خرم گجرنے بتایا کہ وفد میں مختلف امراض کے شعبہ خصوصاً ایسٹیو پیتھک سپائن سے وابستہ افرادشامل ہیں گوجرانوالہ میں پاکستان کا پہلا ہسپتال ہے جس افتتاحی تقریب میں انہیں مدعو کیا گیا ہے۔ ایڈوانس ایسٹیو پیتھک سپائن ایستوپیتھک سپائن کیئر ہسپتال میں ماہرین جدید طریقہ علاج سے طبی سہولیات فراہم کریں گے۔اس کے علاوہ گوجرانوالہ چیمبرکا وزٹ اس لئے بھی ضروری تھا کہ چونکہ گوجرانوالہ صنعتی اعتبار سے پاکستان کا اہم شہر ہے۔یہاں کی صنعت وتجارت کے متعلق آگاہی دینا بہت ضروری تھا تاکہ صحت کے ساتھ ساتھ دوطرفہ تجارت کو بھی فروغ دیا جا سکے۔اس موقع پر سینئرراہنما چیمبر نیئرجمیل بھٹی اور محمد اشفاق کے علاوہ دیگر کاروباری شخصیات بھی موجود تھیں۔