گجرات (نامہ نگار) گجرات پولیس نے اسلام آباد اور لاہور جانے والے تمام راستے کنٹینر لگا کر بند کئے جس سے لاہور اور اسلام آباد جانے والے مسافروں کو شدید مشکلات کا سامنا کرنا پڑا۔ پولیس نے دریائے چناب کے دونوں پل پولیس کی گاڑیاں کھڑی کرکے اور کنٹینر لگا کر بند کئے جس سے دونوں اطراف گاڑیوں کی لمبی قطاریں لگ گئیں۔ جبکہ دریائے چناب کے پل بند ہونے سے گجرات سے گوجرانوالہ جانے والی بارات بھی پھنس گئی، دولہا سمیت باراتیوں کو بھی شدید دشواری کا سامنا کرنا پڑا۔