مسجدالحرام اور مسجد نبویؐ میں نئے اماموں کی تقرری کی شاہی منظوری 

ریاض(آئی این پی ) مسجد الحرام اور مسجد نبویؐ میں نئے اماموں کی تقرری کی شاہی منظوری دیدی گئی۔حرمین شریفین انتظامیہ کے تحت دینی شعبے کے سربراہ اور مسجد الحرام کے امام و خطیب شیخ ڈاکٹر عبد الرحمان السدیس نے نئے اماموں کی تقرری پر شاہی منظوری کی اطلاع دی۔شیخ ڈاکٹر عبد الرحمان السدیس نے بتایا کہ مسجد الحرام میں دو امام شیخ بدر الترکی اور شیخ ڈاکٹر الولید الشمسان کی تقرری ہوئی ہے جبکہ مسجد نبویؐ میں بھی دو امام شیخ ڈاکٹر محمد برہجی اور شیخ ڈاکٹر عبداللہ القرافی کی تقرری کی منظوری دی گئی ہے۔