افغان کرکٹر راشد خان نے شادی کرلی، تصاویر وائرل

لاہور(سپورٹس رپورٹر )افغان کرکٹ ٹیم کے  لیگ سپنر راشد خان نے کابل میں شادی کرلی جس کی تصاویر بھی سوشل میڈیا پر وائرل ہیں۔راشد خان کی شادی 3 اکتوبر کو افغان دارالحکومت کابل میں ہوئی، کرکٹر کی شادی پشتون روایات کے مطابق ہوئی جس میں محمد نبی سمیت  افغان ٹیم کے دیگر کھلاڑیوں نے بھی شرکت کی۔سابق افغان کپتان محمد نبی کی جانب سے راشد خان کی شادی کی تصاویر سوشل میڈیا پر شیئر کرتے ہوئے انہیں مبارکباد بھی دی گئی ہے۔ افغان کرکٹ ایسوسی ایشن کے ایکس اکائونٹ سے راشد خان کے شاندار شادی ہال کی تصاویر بھی شیئر کی گئی ہیں ،تصاویر میں شادی ہال کے باہر اور اندر کے خوبصورت وینیو کو دیکھا جاسکتا ہے۔سوشل میڈیا پرشادی ہال کی ایک ویڈیو بھی شئیر ہوررہی ہے ۔