اسلام آباد(خبرنگار)ہائر ایجوکیشن کمیشن کرکٹ ٹیم کے 25 رکنی وفد نے چیئرمین ایچ ای سی پروفیسر ڈاکٹر مختار احمد سے ملاقات کی۔ ملاقات کرنے والے وفد میں پاکستان کی جامعات کے 20 شارٹ لسٹ کیے گئے کھلاڑیوں سمیت پانچ آفیشلز شامل تھے۔جامعات کے ان کھلاڑیوں کو 24 اور 25 ستمبر 2024 کو کامسیٹس یونیورسٹی اسلام آباد میں ہونے والے ٹرائلز میں حصہ لینے والے 200 سے زیادہ کھلاڑیوں میں سے منتخب ٹیم نے اسی یونیورسٹی میں ایک خصوصی تربیتی کیمپ میں شرکت کی۔چیئرمین ایچ ای سی، پروفیسر ڈاکٹر مختار احمد نے ٹیم کے لیے نیک خواہشات کا اظہار کیا اور یونیورسٹی کے طلباء میں کھیلوں کی مہارت کو فروغ دینے کی اہمیت پر زور دیا۔ انہوں نے میرٹ پر نوجوان کھلاڑیوں کی سلیکشن کو بھی سراہا اور اس بات کا اعادہ کیا کہ ایچ ای سی نوجوان ٹیلنٹ کی پرورش اور نشوونما کے لیے پرعزم ہے اور نوجوانوں کو تعلیم اور کھیل دونوں میں بہترین کارکردگی کا مظاہرہ کرنے کے لیے پرعزم ہیایچ ای سی کی گزشتہ سال کی شاندار کارکردگی کے باعث اس سال کے پریذیڈنٹ کپ میں ایچ ای سی کی ٹیم سے بہت سی امیدیں وابستہ ہیں ۔