ریسکیو ذرائع کے مطابق مسافربس فیصل آباد سے سرگودھا جا رہی تھی کہ چنیوٹ کے قریب ٹرک سے ٹکراگئی۔ حادثے کے نتیجے میں چارافراد موقع پرجاں بحق جبکہ دو نے ڈسٹرکٹ ہیڈ کوارٹرہسپتال چنیوٹ میں دم توڑ دیا۔ حادثے میں بیس سے زائد افراد زخمی بھی ہوئے۔ واقعہ کے بعد ریسکیو ٹیمیں جائے وقوعہ پر پہنچ گئیں اور زخمیوں کوڈی ایچ کیوفضل الہیٰ ہسپتال منتقل کیا گیا لیکن ڈاکٹروں کی عدم موجودگی کے باعث انہیں فیصل آباد کے الائیڈ ہسپتال منتقل کرنا پڑا۔ ریسکیوذرائع کے مطابق زخمیوں میں سےچار کی حالت تشویش ناک ہے۔