لاہور(سپورٹس رپورٹر) لاہور سٹی کرکٹ ایسوسی ایشن نے 15 ستمبر سے ملتان میں شروع ہونے والی قومی ٹی ٹونٹی ٹورنامنٹ کیلئے کامران اکمل کو لاہور ایگلز جبکہ اظہرعلی کو لاہور لائنز کا کپتان مقرر کردیا ہے۔ ایل سی سی اے کے صدر خواجہ ندیم احمد کے مطابق  15 ستمبر سے ملتان میں شروع ہونیوالے ٹی ٹونٹی کپ میں لاہور کی 2 ٹیمیں لاہور ایگلز اور لاہور لائنز شرکت کرینگی۔ لاہور ایگلز کی قیادت کامران اکمل کو سونپی گئی ہے جبکہ منیجر عامرالیاس بٹ ہونگے جبکہ لاہور لائنز کی قیادت اظہرعلی کرینگے۔ایونٹ میں شرکت کیلئے لاہور کی ٹیمیں چودہ دسمبر کو ملتان روانہ ہونگی۔