پی آئی اے نے اندرون ملک کرایوں میں نمایاں کمی کردی

اسلام آباد (وقائع نگار خصوصی) پاکستان انٹرنیشنل ایئر لائنز (پی آئی اے) نے اندرون ملک کرایوں میں نمایاں کمی کردی،کراچی، لاہور اور اسلام آباد کے مابین یک طرفہ کرایہ 7 ہزار 4 سو اور دو طرفہ کرایہ 13 ہزار 5 سو کردیا۔ تفصیلات کے مطابق پی آئی اے نے کراچی، لاہور اور اسلام آباد کے مابین نیا پیکج متعارف کرواتے ہوئے 20 کلو سامان کے ساتھ یک طرفہ کرایہ صرف 7 ہزار 4 سو روپے جبکہ دو طرفہ کرایہ صرف 13 ہزار 5 سو کردیا۔ قومی فضائی کمپنی نے 35 کلو سامان کے ساتھ یک طرفہ کرایہ صرف 8 ہزار 4 سو روپے جبکہ دو طرفہ کرایہ صرف 15 ہزار کر دیا گیا۔ کرایوں میں پرکشش رعایت کے ذریعے لوگ اسکولوں کے دوبارہ کھلنے سے پہلے سیر و تفریح کا موقع حاصل کرسکیں گے ۔ ترجمان پی آئی اے  نے کہا  کہ اندرون ملک کرائے فوری طور پر نافذ العمل ہوں گے۔