کراچی (اسپورٹس رپورٹر) آٹھویں کیربیئن پریمیئرلیگ میں ناقابل شکست ٹرینباگو نائٹ رائیڈرز کی ٹیم پوائنٹس ٹیبل پر سرفہرست ہے، اب تک کھیلے گئے میچز میں ٹرینباگو نائٹ رائیڈرز کی ٹیم ناقابل شکست اور 16 پوائنٹس کے ساتھ پہلے نمبر پر براجمان ہے۔ ٹرینباگو نائٹ رائیڈرز کی ٹیم نے اب تک 8 میچز کھیلے ہیں اور اس نے تمام8 میچز میں فتح حاصل کی ہے۔گیانا ایمیزون واریئرز اور سینٹ لوسیا زوکس کی ٹیمیں بالترتیب دوسرے اور تیسرے نمبر پر ہیں، گیانا ایمیزون واریئرز کی ٹیم کے لیگ میں 6 میچز میں کامیابی کے بعد 12 پوائنٹس ہیں جبکہ گیانا کی ٹیم 10میچز کھیل چکی ہے اور سینٹ لوسیا زوکس کی ٹیم 10 پوائنٹس کے ساتھ تیسرے نمبر پر ہے۔ جمیکا تلاواز کی ٹیم 7 پوائنٹس کے ساتھ چوتھے نمبر پر ہے۔ دفاعی چیمپئن باربا ڈوس ٹریڈینٹس 4 پوائنٹس کے ساتھ پانچویں نمبر پر ہے۔ سینٹ کٹس اینڈ نیوس پیٹریاٹس نے ایونٹ میں صرف ایک کامیابی حاصل کی ہے اور وہ دو پوائنٹس کے ساتھ چھٹے نمبر پر ہے۔