یو ایس اوپن : نائومی اوساکا کو شکست‘پھر کھیل سے دور ہو گئیں 

لاہور(سپورٹس ڈیسک ) جاپان کی عالمی نمبر تین ٹینس سٹار نائومی اوساکا کو یوا یس اوپن ٹینس ٹورنامنٹ کے تیسرے رائونڈ میں اپ سیٹ شکست ہو گئی ۔دفاعی چیمپئن اوساکا کو اٹھارہ سالہ لیلہ فرننڈیز نے شکست سے دوچار کیا ۔ فاتح کھلاڑی نے پانچ سات ‘سات چھ اور چھ چار سے کامیابی حاصل کی ۔ نائومی اوساکا نے شکست کے بعد ایک بار کھیل سے لمبا وقفہ لینے کا اعلان کر دیا ۔ انہوں نے رواں سال فرنچ اوپن سے بھی دستبرداری اختیار کی تھی ۔ وہ ذہنی صحت کے حوالے بہتری کی طرف گامزن ہیں ۔ نائومی اوساکا نے کہا کہ میں کچھ آرام کرنا چاہتی ہوں ۔وہ میچ کے بعد پریس کانفرنس کے دوران روپڑیں ۔ انہوں نے کہا کہ حقیقت میں خود بھی نہیں جانتی کہ اگلا میچ کب کھیلوں گی ۔ کھیل سے آرام لینا چاہتی ہوں ۔ جیت کر بھی خوشی محسوس نہیں ہوتی ۔ آرام چاہتی ہوں ‘جب شکست ہو جائے تو بہت زیادہ مایوس اورافسردہ ہو جاتی ہوں‘میرے خیال میں یہ سب کچھ نارمل نہیں ہے ۔ یہ سب کچھ کہتے ہوئے بہت افسوس ہو رہا ہے ۔