ینگ چاچڑ اتحاد ویلفیئر آرگنائزیشن کے دفتر کا افتتاح 

کراچی (سٹی نیوز)ینگ چاچڑ ویلفیئر آرگنائزیشن اپنی کمیونٹی کیلئے گراں قدر خدمات انجام دے رہی ہے۔ یہ بات وزیر اعلیٰ سندھ کے سابق مشیر اور پیام پاکستان پلاٹینم تقریبات کمیٹی کے چیئرمین اقبال یوسف نے کہی۔ انہوں نے کہا کہ سرائیکی لوگ بہت محنتی اور پاکستان سے محبت کرنے والے لوگ ہیں ان کا جذبہ خدمت لائق تحسین ہے۔ شوگل اسٹوڈنٹس فورم کے چیئرمین اور معروف سماجی رہنما نفیس احمد خان نے کہا کہ کسی خدمت کیلئے سچا جذبہ ضروری ہے اور ینگ چاچڑ ویلفیئر ا?رگنائزیشن کے تمام عہدیدار جذبہ خدمت سے سرشار اور انسانوں سے محبت اور ان کے مسائل حل کرنے کے ارادے سے میدانِ عمل میں قدم رکھ رہے ہیں۔