ڈاکوؤں نے خالی پرس واپس مانگنے پر نوجوان کو گولیاں ماردیں

نوشہرہ ورکاں (نمائندہ نوائے وقت) ڈاکو بے لگام، ڈکیتیوں کی نان سٹاپ وارداتیں جاری، ڈاکوؤں کی فائرنگ سے شہری شدید زخمی تفصیلات کے مطابق گزشتہ رات کڑیال کلاں کا رہائشی کاشف بلوچ دودھ فروخت کر کے شیخوپورہ سے واپس گاؤں آ رہا تھا کہ نواں پنڈ کے قریب دو ڈاکوؤں نے اسے گن پوائنٹ پر روک لیا اور اس سے 30 ہزار روپے چھین لئے کاشف نے ڈاکوؤں سے شناختی کارڈ اور خالی پرس واپس کرنے کا کہا تو ڈاکوؤں نے فائرنگ کر کے اسے شدید زخمی کر دیا جسے طبی امداد کے لئے ڈسٹرکٹ ہیڈ کوارٹر ہسپتال شیخوپورہ منتقل کر دیا گیا ہے علاقہ بھر میں ڈکیتی کی بڑھتی ہوئی وارداتوں سے شہری عدم تحفظ کا شکار ہیں چند روز قبل ڈاکوؤں نے پولیس ملازمین اور سابق ایم این اے کو بھی لوٹا تھا شہریوں نے اعلی پولیس حکام سے مطالبہ کیا ہے کہ ڈکیتی کی وارداتوں پر قابو پانے کیلئے موثر حکمت عملی اپنائی جائے۔