لاہور(کلچرل رپورٹر) اداکارہ و ماڈل نیلم نے کہا ہے کہ فلموں کی کامیابی کیلئے جدید ٹیکنالوجی کے استعمال کیساتھ ساتھ جاندار سکرپٹس کو بھی اہمیت دینا ہوگی۔ جب بھی اچھا کام ہوگا اسے ضرور پذیرائی ملے گی اب دور بدل چکا ہے ہمیں روایتی فلموں سے جان چھڑانی ہوگی اور ایسی فلمیں بنانا ہونگیں جو موجودہ دور کی عکاسی کرتی ہوں۔ہمیں جدید ٹیکنالوجی کے ساتھ ساتھ اپنی ثقافت کو بھی اجاگر کرنا ہوگا۔ اپنے ماضی کو یکسر نظر انداز کرنے کی بجائے اس وقت کی کامیابیوں کو نئی جدت کیساتھ پیش کرنا چاہئے ۔ ہمیں ٹی وی ڈراموں کی طرح فلموں میں بھی جاندار اسکرپٹس کو اہمیت دینا ہو گی۔