لاہور(سپورٹس رپورٹر)دبئی انٹرنیشنل کرکٹ سٹیڈیم میں کھیلے جارہے میچ میں پاکستان کے کپتان بابر اعظم نے ٹاس جیت کر بھارت کو پہلے بیٹنگ کی دعوت دیدی۔ٹاس کے موقع پر پاکستان کے کپتان بابر اور بھارت کے کپتان روہت شرما میچ ریفری اور پریزنٹر روی شاستری موجود تھے۔جیسے ہی روہت شرما نے سکہ ہوا میں اچھالا، بابر نے ٹیل کی کال کی لیکن روی شاستری نے بابر کی کال کو ہیڈ کہہ دیا۔سکہ جیسے ہی زمین پر گرا اور ٹیل آیا، اس دوران میچ ریفری تھوڑا کنفیوز ضرور ہوئے، انہوں نے ٹیل کی آواز لگائی تو روہت شرما نے بابر کی جانب اشارہ کیا۔ سوشل میڈیا پر بھی روی شاستری کی اس غلطی پر تبصرے کیے جارہے ہیں۔ایک صارف نے سوال اٹھایا کہ کیا روی شاستری نے ٹاس فکس کیا تھا؟