لاہور(سپورٹس ڈیسک)بنگلہ دیش کے وکٹ کیپر بیٹر مشفق الرحیم نے ٹی ٹونٹی انٹرنیشنل کرکٹ سے ریٹائرمنٹ کا اعلان کر دیا۔مشفق الرحیم نے  بتایا کہ میں اب ٹیسٹ اور ون ڈے فارمیٹ پر فوکس کروں گا ۔ میں ٹی ٹونٹی سے ریٹائرمنٹ لے رہا ہوں تاہم جب بھی موقع ملا فرنچائز لیگ کیلئے دستیاب ہوں گا۔ دو فارمیٹ میں ملک کی فخر کیساتھ نمائندگی کرنے کا منتظر ہوں۔ مشفق نے 28 نومبر 2006 میں زمبابوے کیخلاف ٹی ٹونٹی میچز میں ڈیبیو کیا تھا، آخری ٹی ٹونٹی یکم ستمبر 2022 کو ایشیا کپ میں سری لنکا کیخلاف کھیلا۔اپنے ٹی ٹونٹی کیرئیر میں مشفق نے 102 میچز کھیلے، 1500 رنز بنائے۔