لاہور(سپورٹس رپورٹر)بارش کے باعث پاکستان ڈائمنڈ جوبلی جشن آزادی فٹ بال ٹورنامنٹ پاکستان بوائز سکاﺅٹ ایسوسی ایشن فٹ بال گراﺅنڈ، اسلام آباد میں شروع نہ ہو سکا۔ ٹورنامنٹ کا افتتاح کے موقع پر ہماکلب اور اکبر کلب کی ٹیموں کے درمیان نمائشی میچ کھیلا جانا تھا۔ گزشتہ روز ٹورنامنٹ ڈائریکٹر سید شرافت حسین بخاری نے بتایا کہ ٹورنامنٹ کل منگل سے شروع کروانے کا فیصلہ کیا ہے اور ٹورنامنٹ میں اسلام آباد کی رجسٹرڈ ٹیمیں حصہ لے رہی ہیں۔