عمران جلد اڈیالہ جیل کے مہمان ہوں گے: حافظ حمد اﷲ

اسلام آباد (نوائے وقت رپورٹ) پی ڈی ایم ترجمان نے کہا ہے کہ عمران خان جلد اڈیالہ جیل کے مہمان ہوں گے۔ عمران خان کی تقریر پر ردعمل دیتے ہوئے جے یو آئی کے رہنما حافظ حمد اللہ نے کہا کہ عمران خان ماہر اسلامیات ہے اور نہ ہی سیاسیات، البتہ یہ ماہر فضولیات ہیں، کچھ بھی بول دیتا ہے۔ انہوں نے عمران خان کو چلینج دیا کہ تم بار بار کہتے ہو کہ پاکستان میں بارہ موسم ہیں، سوال یہ ہے بارہ موسم کے نام بتائیں، آئے روز نت نئی اوٹ پٹانگ باتیں کرتے ہو تم ملکی سیاست میں ایک انوکھا نمونہ ہو۔ انہوں نے کہا کہ تم بنی گالہ میں یا وزیراعظم ہاو¿س میں نہیں چڑیا گھر میں اچھے لگتے ہو، چڑیا گھر نہ صحیح مگر آپ اڈیالہ جیل کا مہمان بنو گے۔
حافظ حمد اﷲ