ٹماٹروں سے بھرا ٹرک پہلے کار سے ٹکرایا پھر بدقسمت خاندان کے افراد کو روند کر الٹ گیا‘ 40 سالہ مسرت‘ 15 سالہ نیشا‘ 3 سالہ فیضان موقع پر دم توڑ گئے

کامونکی (نمائندہ خصوصی) ٹماٹروں سے بھرا ٹرک سڑک عبور کرنے والے خاندان کو کچلتے ہوئے الٹ گیا۔ ماں بیٹی اور تین سالہ بچہ جاں بحق جبکہ پانچ افراد شدید زخمی ہو گئے۔ بتایا گیا ہے کہ گذشتہ روز ٹماٹروں سے بھرا ٹرک لاہور جا رہا تھا کہ سٹی چوک میں کھڑے رکشوں کی بھرمار کے باعث ٹرک بے قابو ہو کر ایک کار سے ٹکراتے ہوئے سڑک کراس کرنے والی چالیس سالہ مسرت، اس کی پندرہ سالہ بیٹی نیشا اور تین سالہ فیضان کو کچل کر موقع پر ہی موت کے گھاٹ اتار دیا جبکہ سات سالہ ضمن، چھ سالہ مسکان، پانچ سالہ ایان، سترہ سالہ کرن، اسی سالہ رشید بی بی، نائلہ بتول شدید زخمی ہو گئے، اطلاع ملنے پر ریسکیو عملہ نے موقع پر پہنچ کر جاں بحق اور تمام زخمیوں کو ہسپتال منتقل کر دیا۔ حادثہ کے باعث لاہور روڈ پر ٹریفک بلاک ہو گئی۔
ٹرک الٹ گیا