اسلام آباد ماڈل کالج فار گرلز  بارہ کہوکی شاندار کارکردگی

اسلام آباد(نمائندہ نوائے وقت)فیڈرل بورڈ آف انٹر میڈیٹ اینڈ سکینڈری ایجوکیشن کے سالانہ امتحانات سال 2021-22کے نتائج میں اسلام آباد ماڈل کالج فار گرلز بارہ کہو(سابقہ ایف جی)91.15فیصد رزلٹ کے ساتھ دوسرے نمبر کا حقدار ٹھہرا۔کالج کا رزلٹ شاندار رہا ، اساتذہ کی کمی کے باوجود کالج کی 12طالبات نے گریڈA1اور 65طالبات نے گریڈAحاصل کیا ۔کالج کی پرنسپل نجم النسا ،اساتذہ اور طالبات اس کامیابی پر مبارک باد کی مستحق ہیں۔
 پولیس اہلکاروں پر تشدد 
کے الزام میں 6 افراد گرفتار
اسلام آباد(اپنے سٹاف رپورٹر سے)تھانہ بنی گالہ کے علاقہ میں پولیس اہلکاروں پر تشدد کے الزام میں چھ افراد گرفتار کر لئے گئے وقوعہ31 اگست کو پیش آیاتھا پولیس کے مطابق ملزمان نے چیکنگ کرانے پر تشدد کیا تھا گرفتار کیے گئے ملزمان میں رحیم عباسی، ذیشان، وقاص احمد، ارسلان قدیر عباسی اور وسیم احمد شامل ہیں۔
 دو لڑکیاں اغوا
اسلام آباد(اپنے سٹاف رپورٹر سے)تھانہ گولڑہ کے علاقے سے دو لڑکیاں اغوا کر لی گئیں پولیس کو مسما رسولاں بی بی نے بتایا کہ میرا آبادی میں کسی نامعلوم نے میری بیٹی کنزہ کو اغوا کر لیا ہے تھانہ گولڑہ کو کالا خان نے بتایا کہ سری سرال میں میری بیٹی ثانیہ کو ملزم احسان نے اغوا کر لیا ہے۔