گوجرانوالہ:کولیکشن سنٹرز پر چھاپہ،870لٹر ملاوٹی دودھ تلف

گوجرانوالہ (نمائندہ خصوصی )ڈیری سیفٹی ٹیموں نے کولیکشن سنٹرز پر چھاپہ مار کاروائی کے دوران 870لیٹر ملاوٹی دودھ تلف کر دیا ،تفصیلات کے مطابق پنجاب فوڈاتھارٹی کی ڈیری سیفٹی ٹیموں نے منڈی بہاوالدین میں علی الصبح شہر کے داخلی و خارجی راستوں پر ناکہ بندی کی اور کولیکشن سنٹرز پر چھاپہ مار کاروائی کے دوران 870لیٹر ملاوٹی دودھ تلف کرنے کیساتھ 125کلو پائوڈر،ڈرم ضبط کر لئے ،ڈی جی فوڈ اتھارٹی راجہ جہانگیر انور کا کہنا ہے کہ موقع پر کیے گئے ٹیسٹ فیل ہونے پر 870لیٹر تیار جعلی دودھ تلف کیا گیا،جعلی دودھ پاوڈر اور پانی کی ملاوٹ سے تیار کیا گیا تھا جعلی دودھ میں استعمال ہونے والے اجزا انسانی صحت کے لیے انتہائی مضر ثابت ہوتے ہیں۔