شیخوپورہ(نمائندہ نوائے وقت)چیف آفیسر میونسپل کمیٹی مرزا مظفر بیگ نے کہا ہے میونسپل کمیٹی کا عملہ شب وروز انتھک محنت کررہا ہے، تاجروں دکانداروں اورتعلیم یافتہ افراد کو بھی چاہیے کہ وہ سوداسلف خریدنے کے لیے آنیوالے افراد کو ہدایت دیں کہ وہ کوڑا کرکٹ پھلوں کے چھلکے،سبزیوں کے چھلکے اور دیگر اشیاء گلیوں،بازاروں،چوکوں چوراہوں اورسیوریج پائپ لائنوں وہولز میں مت پھینکے،صفائی نصف ایمان ہے سب کی ذمہ داری ہے فرد واحد صفائی ستھرائی میں کبھی کامیابی نہیں سمیٹ سکتا،ان خیالات کااظہارانہوں نے مرزا ارشد بیگ اور مرزا ارسلان بیگ سے ملاقات کے دوران گفتگو کرتے کیا۔