بنگلہ دیشی کرکٹ ٹیم وطن واپس روانہ‘شکیب الحسن دبئی چلے گئے

لاہور(سپورٹس رپورٹر)پاکستان کے خلاف ٹیسٹ سیریز کی تاریخی فاتح بنگلہ دیشی ٹیم اور اّفیشل کراچی ایئر پورٹ سے دو مختلف پروازوں سے وطن واپس روانہ ہوگئے ۔بنگلہ دیشی ٹیم کے کھلاڑی اور آفیشل رات گئے اسلام آباد سے کراچی پہنچے۔ انہوں نے گزشتہ رات کراچی کے ہوٹل میں قیام کیا۔وطن واپس جانے والی فاتح ٹیم کو سخت سکیورٹی میں کراچی ایئر پورٹ پہنچا دیا گیا۔ٹیم اور آفیشل کراچی سے دبئی اور دوحہ کے راستے دو مختلف پروازوں سے بنگلہ دیش پہنچیں گے۔بنگلہ دیش میں قتل کے مقدمہ کا سامنا کرنے والے بنگلہ دیشی کرکٹر اور عوامی لیگ کے سابق رکن اسمبلی شکیب الحسن دیگر کھلاڑیوں کے ہمراہ وطن واپس نہیں گئے۔ ذرائع کا بتانا ہے کہ شکیب الحسن دبئی چلے گئے ہیں۔