لاہور(سپورٹس رپورٹر)چیمپئنز ون ڈے کپ کیلئے سابق کپتان سرفراز احمد کو ڈولفنز کا مینٹور مقرر کر دیا گیا۔لاہور میں پریس کانفرنس کرتے ہوئے سرفراز احمد نے کہا کہ کوشش ہوگی کہ اچھے پلیئرز سامنے لائیں جو پاکستان کی نمائندگی کر سکیں۔ میں پاکستان ٹیم کیلئے دستیاب ہوں گا، ڈومیسٹک میں جب ڈیوٹی ہو گی وہ انجام دوں گا۔ ڈومیسٹک کرکٹ کیلئے بھی میں دستیاب ہوں، میں مینٹور کیساتھ کھیلتا ہوا بھی دکھائی دوں گا۔ میں نے ورکنگ کے بعد ٹیم کا انتخاب کیا ہے، انڈر 19 کھلاڑیوں کی ڈویلپمنٹ کرینگے،  ابھی مجھے لگتا ہے کہ میں کھیل سکتا ہوں، جب تک کھیل سکتا ہوں کھیلتا رہوں گا۔ میرے لیے یہ ایک سیکھنے کا مرحلہ ہے، میں کھلاڑی کیساتھ ساتھ رہ کر سیکھوں گا، اپنے تجربے سے ہم اچھے پلیئرز سامنے لانے کی کوشش کریں گے۔ مجھے ابھی لگتا ہے کہ میں مزید کرکٹ کھیل سکتا ہوں، جب لگے گا کہ کرکٹ سے ریٹائرمنٹ لے لی جائے تو چھوڑ دوں گا۔